FREE SMS SERVICE

ඔන්න නියම වැඩ කැලි දෙකක් ගෙනාව අදත්,,,,
මටත් කොල්ලෙක් තමා කිවේ....
පට්ටම පටට....
එහෙනම් පටාන් ගමු....

මුලින්ම තියෙන්නේ අපේ වැඩ ලේසි කර ගන්න දෙයක්... අපි අපේ පරිගණකයේ සෙටින්ග්ස් හදන්න එක එක තැන් වලට යනවනේ.... කන්ට්‍රෝල් පැනල, අරව මේවා....
කොහොමද මේ ඔක්කොම එකම තැනකින් කර ගන්න තියෙනවා නම්....
අන්න එකයි අද කරන්න යන්නේ...
වෙනම සොෆ්ට්වෙය දාන්න ඕනේ නැ,
ක්‍රැක් කරලා පවු පුරවා ගන්න ඕනේ නැ,
ස්පීඩ් අඩු වෙන් නැ,,,,
අපිමයි මේක හදන්නේ.....

ඔන්න එහෙනම් පටන් ගමු...
මුලින්ම හදන්න ඩෙක්ස්ටොප් එකේ new folder එකක්.... 
දැන් එක rename කරන්න God-Mode.{ED7BA470-8E54-465E-825C-99712043E01C} කියලා..... මේක කොපි කරලා දාන්න... නැත්නම් වරදීවි....
දැන් එන්ටර් ඔබලා rename කරන එක ඉවර කරන්න...
දැන් open කරලා බලන්න....
ඔන්න බඩු හරි....
ඔකකොම එක තැන....


ඔන්න තව එකක්....
මේක ඊටත් වඩා පට්ට....
මතකද අර අලුත් අවුරුද්දට එහෙම ජනාදිපති අපිට මැසේජ් එකක් එවන්නේ,,,,
persident කියලා නම්බර් එකකින්.... 
අන්න ඒ වගේ මැසේජ් යවන්න විදිහක් තමා කියන්න යන්නේ...
මුලින්ම යන්න https://www.smsglobal.com
කියන සයිට් එකට....
හදාගන්න ඔකේ account එකක්...
අනිත් ඒවගේ වගේම කිසිම අවුලක් නැතිව හදා ගන්න පුළුවන්.
තමන්ගේ නම්බර් එක අහන තැනට තමන්ගේම එකක් දෙන්න,
මොකද පාස්වර්ඩ් එක එවන්නේ ෆෝන් එකට... 
දැන් එහෙනම් ආපු පාස්වර්ඩ් එකත් එක්ක ලොග් වෙන්න...

වම අත පැත්තේ මෙහෙම එකක් ඇති...
මෙන්න මෙතන තියෙන මේ කහ පාටින් දාල තියෙන එක ක්ලික් කරන්න...




දැන් මෙහෙම එකක් එයි,,,



දැන් මුලින්ම දාන්න අපිට යවන්න ඕනේ නම්බර් එක...
ඉලගට Sender ID From: කියන තම දාන්න මොන විදිහටද යවන්න ඕනේ කියලා...
ඒ කියන්නේ තමන්ට කැමැති නම්බර් එකක් හරි, නමක් හරි....
උදා: President

Message Template: මේක මොකුත් කරන්න එපා...

දැන් හිතේ හැටියට මැසේජ් එක ගහලා යවන්න තමා තියෙන්නේ....
ඕනේ නම් ටයිම් තියලා යවන්නත් පුළුවන්....

මම චෙක් කරන්නත් එක්ක මෙහෙම වැඩක් කළා....

Sender ID From: කියන එකට දැම්ම Defence Min. (Defence Ministry) කියලා....

මැසේජ් එකට මෙහෙම දැම්ම...

A 9.8 earthquake was happed in Japan and tsunami warnings were releases. Please be carefulකියලා....

වැරදි වැඩක් තමා...
විහිලුවට වගේ දැම්මේ මගේ රුමට....
මෙන්න මු දුවගෙන එනවා...
මම දන ගත්ත වැඩේ හරි කියල....

හැබැයි මචන් වැඩදා කියන්නම් නරක දෙකට නම් මේක යොදා ගන්න එපා....
මේකෙන් ආතල් ගත්තට කමක් නැ, 
පමණ ඉක්මවලා යන්න එපා.....
උබලත් මේක හොද දෙකට පාවිච්චි කරපල්ලා.......

එහෙනම් අපි කැපුනා......

මොනවා හරි කියාගෙන පලයල්ලා.....

Read More

Strategic Rocket Forces

රුසියානු උපායමාර්ගික රොකට් බළකාය (Strategic Rocket Forces) නවතම අන්තර්මහද්වීපික බැලිස්ටික් මිසයිලයක් අත්හදා සාර්ථකව අත්හදා බැලූ බව රුසියානු ආරක්ශක අංශ වෙතින් වාර්තාවනවා. මෙම බැලිස්ටික් මිසයිලයට ඕනෑම බැලිස්ටික් මිසයිල නාශක පද්ධතියක් (Anti-Ballistic Missile System - ABMS) අභිබවා ඉලක්කය වෙත යා හැකිබව එය නිර්මාණය කල රුසියානු ඉන්ජිනේරුවන් පවසනවා.

පසුගිය ජූනි 7වැනි දින සිදුවුනු මෙම අත්හදා බැලීම අමෙරිකාව යුරෝපය තුල සිය බැලිස්ටික් මිසයිල නාශක පද්ධති ස්ථාපනය කරන බවට සිදුකල ප්‍රකාශයෙන් දින කිහිපයකට පසු සිදුවීම වැදගත් සිද්ධියක් ලෙස විචාරකයින් පවසනවා. පසුගිය සතියේ අමෙරිකානු රාජ්‍ය ලේකම් ජෝන් කෙරී, පෝලන්ත අග්‍රාමාත්‍යවරයා හමුවී අමෙරිකානු මිසයිල නාශක පද්ධති 2018 වසරේදී පෝලන්තයේ ස්ථාපනය කිරීම සඳහා පෝලන්ත රජයේ නිළ අනුමැතිය ලබාගත්තා.

මෙම මිසයිලය සාර්ථකව අත්හදා බැලීම මගින් අමෙරිකානු මිසයිලයේ නාශක පද්ධති පිහිටුවීමේ වෑයම නිශ්ඵල බව පෙන්වීමට රුසියාව සමත්වී ඇති බව පැවසෙනවා

ග්‍රිනිච් වේලාවෙන් පස්වරු 5.45ට මෙම මිසයිලය දියත්කල අතර එය රුසියාවේ අශ්ට්‍රාකන් ප්‍රදේශයෙන් නිකුත්වුනා. විනාඩි කිහිපයකට පසුව මිසයිලයේ පිපුරුම් හිස (war-head) කසකස්ථානයේ බල්කාශ් ප්‍රදේශයේ සළකුණු කොට තිබුණු ඉලක්කය වෙත නිවැරදිව පතිතවුනු බව වාර්තාවුනා. රුසියානු ආරක්ශක අමාත්‍යාංශයට අනුව, මෙම අත්හදාබැලීම සිදුකරණ ලද්දේ මෙම නවතම මිසයිල නිර්මාණයේ තාක්ශණික විශ්වසනීයත්වය (technical reliability) තහවුරු කරගැනීමට හා මිසයිලය දියත්කිරීමේ ක්‍රියාදාමය (launch procedure) ආරක්ශා සහිතබව තහවුරු කරගැනීම සඳහාය.

ඝණ ඉන්ධන (solid propellant) වලින් ක්‍රියාත්මක රොකට් එන්ජිමකින් සමන්විත මෙම මිසයිලයේ 4වැනි සාර්ථක අත්හදා බැලීම මෙය වන අතර මිසයිලයේ සියලුම පද්ධතිවල ක්‍රියාකාරිත්වය තහවුරු කරගැනීම සඳහා තවත් අත්හදාබැලීමේ දියත් කිරීම් දෙකක් සිදුකල යුතු බව උපායමාර්ගික රොකට් බලකාය පවසනවා.

දැනට රුසියාව සතුව පැරණි සෝවියට් නිර්මාණයක් වන SS-18 වර්ගයේ බැලිස්ටික් මිසයිල 58ක් ඇති අතර මෙය ලොව බලසම්පන්නම හා විනාශකාරීම න්‍යශ්ඨික බෝම්බ රැගෙන යාහැකි බැලිස්ටික් මිසයිලය ලෙස සැළකෙනවා. මෙගාටොන් 18-20ක න්‍යස්ඨික බෝම්බයක් රැගෙන කිලෝමීටර් 7000ක් දුර ඉලක්කයක් වෙත යාහැකි අන්තර්-මහද්වීපික මිසයිලයකි. මීට අමතරව ටොපොල් වර්ගයේ (SS-25) මිසයිල 220කට අධික ප්‍රමාණයකුත්, යාර්ස් වර්ගයේ මිසයිල 18කුත් රුසියාව සතුව තිබෙනවා.

2014 වසරේදී මෙම අලුත් මිසයිලය සක්‍රිය සේවයට එක්කර ගැනීමට බලාපොරොත්තුවන අතර නුදුරු අනාගතයේදී, දැනට සක්‍රිය සේවයේ පවතින ටොපොල් වර්ගයේ මිසයිල වෙනුවට ආදේශ කෙරෙනු ඇති. එමෙන්ම ඉදිරි අනාගතයේදී මෙම මිසයිලය මෑතකදී රුසියානු රොකට් බළකායේ සේවයට අනුයුක්ත කෙරුනු නවීන "යාර්ස්" මිසයිලය වෙනුවට ආදේශ කලහැකි බවද පැවසෙනවා.

Read More

◄◄◄◄ ‌බර්මියුඩා ත්‍රිකෝනය ►►►►

◄◄◄◄ ‌බර්මියුඩා ත්‍රිකෝනය ►►►►




බර්මියුඩා ත්‍රිකෝනය තියෙන්නෙ බටහිර අත්ලාන්තික් මුහුදෙ ඇමරිකාවෙ ෆ්ලොරිඩා හා බ්‍රසීල මුහුදෙ හැතපුම් 200ක් උතුරෙන් තියන ලක්ෂ්‍ය තුනක් යා කරන වර්ල කිලෝ මීටර් දහස් ගනනත් අයත් වෙන ප්‍රදේශයයක,ෆොටො එක බැලුවනම් හරියටම තැන බලාගන්න පුලුවන්. මේක මේකාලෙ විතරක් නෙවේ අතීතයෙත් කුතුහලය ඇතිකරපු තැනක්.
එදා ඉදල ගොඩක් අය එක එක කතා කියනව, ඒත් හරියටම කියන්න බැරිවෙලයි තියෙන්නෙ, බර්මියුඩා ත්‍රිකෝනයේ වෙන දේවල් අරුම පුදුම වීමයි. 1945 ඉදල බර්මියුඩා ත්‍රිකෝනය තියන ප්‍රදේශයේ දී අතුරුදහන් වුනු දේවල් අතරට ගුවන් යානා 300ක්,නෟකාවන් 250 සහ මිනිස්සු දහස් ගනනක් වෙනව. හැවැයි පුදුම වැඩේ කියන්නෙ මේ අතුරුදහන් වුනු කිසිම දෙයක සුන්බුන් ටිකක්වත් හොයාගන්න බැරිවුනාලු, අඩුගනනෙ කඩාවැටුන් ගුවන් යානයකින් වැටුනු තෙල් බින්දුවක් වත් හොයාගන්න බැරි වෙලා.
මේ ගැන පරීක්ෂන පවත්වපු අයනම් කියන්නෙ මේ ප්‍රදේශයේ තියනන අසාමාන්‍ය ගුරුත්වාකර්ශණන නිසාලු මෙහෙම වෙලා තියෙන්නෙ. ඒත් ඒ මතයත් එක්ක එකඟවෙන් බැරිවෙලා තියෙන්නෙ අසාමාන්‍ය ගුරුත්වාකර්ශණනයක් තිබුනත් මෙ කඩා වැඩුනු දේවල් වැටුනු තැනක් හොයාගන්න බැරිවුනු නිසා. තවත් දෙයක් තමයි ගුරුත්වාකර්ශණනයකින් එහෙම වුනානම් හැම ගුවන් යානකටම බලපාන්න ඕනනෙ. ඒත් මෙතන එහෙම දෙයක් වෙලා නැහැනෙ, සමහර ඒවට විතරයි මෙහෙම වුනෙ.
1945.12.05 නෙිද ඇමරිකානු නාවික හමුදාවෙ බෝම්බ දාන ගුවන් යානා 5ක් මේ ප්‍රදේෂයක උඩින් ගමන් කරමින් තියෙනව. මේවා ගුවන් ගත වුනු වෙලාවෙ ඉදල සාමාන්‍ය විදියට පාලක මැදිරියත් එක්ක රේඩියො සම්බන්දතා පවත්වල තියනව, එත් එක පාරටම ඒව නැවතිල තියනව. රේඩියො උපාංගවල වරදක් කියල හිතාගෙන ඒ අය යානා කුවන් තොටුපලට එනකම් බලාගෙන ඉදල තියනව. ඒත් ඇවිලිල නැහැ. බර්මියුඩා ත්‍රිකෝනය කිට්ටුව ප්‍රදේශයේ රේඩාර් සිග්නල් වැඩකරමින් ගමයි තිබිල තියෙන්නෙ, ඒත් ගුවන් යානා ගැන කිසිම හෝඩුවාවක් ලැබිල නැහැ.

පස්සෙ මේව හොයන්න තවත් ගුවන් යානයක් යවල තියනව ඒ වෙලාවෙ හරිම පුදුම දෙයක් තමයි වෙලා තියෙන්නෙ. මේ ගුවන් යානය පිටත්වෙලා විනාඩි 10කට පස්සෙ පාලක මැදිරියත් එක්ක තිබුනු රේඩියො සම්බන්දතා ටික ටික නැවතිල තියනව. හෙයන්න ගිය යානයේ ගුවන් නියමුව එකපාරටම පාලක මැදිරියට පනිවිඩක් එවල තියනව මෙහෙමයි ඒකෙ කියවිලා තියෙන්නෙ

Quote:

“ මගේ ගුවන් යානයට උඩින් අහසෙ අමුතු හැඩයේ විශාල යමක් මට පේනව. දැන් ගුවන් යානය මට පාලනය කරන්න බැහැ. ගුවන් යානය ඒ පැත්තට...”

මේක තමයි ගුවන් නියමුව අන්තිම පණිවිඩය. පස්සෙ මේ ගැන විශා පරීෂන පවත්වල තියනව ඒත් ගුවන් යානාවල ගිය ගුවන් නියමුවන් 15 දෙනා ගැනවත් ගුවන් යානා 6 ට මොකද වුනේ කියලවත් හොයා ගන්න බැරිවෙලා තියනව. හරිම පුදුමයි‍ නේද?

කලින් කියුව ගුවන් යාන වගේම අඩි 400 විතර දිග භාණ්ඩ පුවාහනය කරන්න යෙදවල තිබුනු, නැවක් එකෙ නැවියන් සහ සේවකයොත් එක්ක අතුරුදහන් වෙලා තියනව. මේ නැව අතුරුදහන් වීම ගැන පරීක්ෂන පවත්වත්වපු කට්ටිය කියල අන්තිමට කියල තියෙන්නෙ ඒ නැව මුහුදුබත් වෙලා නැහැ කියල. එතකොට ඒ නැවට මොකද වුනේ? ඒ කාලෙම ටොන් 19000ක් බර මගී ප්‍රවාහන නැවක් අතුරුදහන් වෙලා තියනව.
එ නැවේ මගීන්309 අරගෙන යමින් තිබුනු මේ නැව ඊට කි.මී 72ක් දුරින් යමින් තිබුනු නැවක් එක්ක රේඩියො පනිවිඩ හුවමාරු කරගත්තත් එක පාරටම ඒව නැවතිල තියනව. ඒ ගැන හොයා බැලුවත් කිසිම වැඩක් වෙලා නැහැ. 1982 අගොස්තු 13දා බර්මියුඩා ත්‍රිකෝණයේදී තවත් පුදුම දෙයක් වෙලා තියනව. ඒ තමයි බෝට්ටුවකින් මිනිස්සු 6 දෙනෙකුයි බල්ලෙකුයි ගිහින් තියනව ඒ කට්ටිය අතුරු දහන්වෙලා තියනව ඒත් ඒ කට්ටිය එක්ක හිටිය ගිරවෙක් මැරිල ඉදල අහුවෙලා තියනව. ඌ ගැන පරීක්ෂන කරපු දොස්තරල කියල තියනව ඌ මැරිල තියෙන්නෙ අධික කම්පනයකින්ය කියල.
ඒ බෝට්ටුව කිට්ටුව තිබුනු නාවික හමුදා කදවුරක රේඩාර් තිරයෙ සටහන් වුනු වෙලාවෙ බෝට්ටුව විතරයි පෙනෙන්න තිබිල තියෙන්නෙ එතකොට හිටිය මිනිස්සුන්න,බල්ලට මොකද වුනේ? ගිරව මැරුනෙ කොහොමද? ඒව නම් ඉතිං උත්තර නැති ප්‍රශ්න.
බර්මියුඩා ත්‍රිකෝණයේදී අතුරුදහන් වුන් නැවු, ගුවන් යානා අතුරුදහන් වෙන වෙලාව වෙනකම්ම ගොඩබිමත් එක්ක රේඩියො සම්බන්දතා පවත්වල තියනව. මෙසේ ඒ නැවියන්,ගුවන් නියමුවන් එවපු පනිවිඩ වලින් මේ ප්‍රශ්න වලට යම් ‍මතයක් ඉදිරිපත් කරන්න පුලුවන්ලු. 1995 වෙද්දි අතුරුදහන් වුනු ගුවන් යානා 1000කට වැඩිලු.එයින් 35%ක් ඒව හැම එකක්ම තම ගුවන් යානා කිට්ටුව අහසෙ තිබුනු යම් දෙයක් ගැන ගුවන් නියමුවන් කියල තියනව. 25%ක් විතර ගුවන් යානා පාලනයෙන් ගිලිහිලා කියල තියනව‍. අනික් ඒව එකපාරටම අතුරුදහන් වෙලා.
බර්මියුඩා ත්‍රිකෝණයේදී අතුරුදහන් වුනු දේවල් අතර 1967දී අධිවේගී රේස් බොට්ටුවක් ‍කිට්ටුව වෙරලෙ හිටිය අය බලාගෙන ඉදිද්දිම අතුරුදහන් වෙලා තියනව. තව 1973 මාර්තුවල ටොන් 20,000ක් බර භාණ්ඩ පුවාහන නැවක්,1924 දි ජපාන නැවක්. ඊටත් වඩා පුදුම දෙයක් තමයි 1932දී නැවු දෙකක් අතුරුදහන් වෙලා පස්සෙ හොයාගෙන තියනව, ඒත් ඒවයෙ සේවය කරපු කෙනෙක්වත්. ගියපු මගියෙක්වත් හොයාගන්න බැරිවෙලා තියනව. පුදුම වැඩක් තමයි නේද?
මේ ගැන තවදුරටත් පරීක්ෂන කරපු පර්යෙෂකයින් නම් කියන්නෙ අර යුරෝපයෙ පර්යෙෂකයින් මොකක්හරි එකක් උනේ කොහොමද, නැත්තං හැදුවෙ කොහොමද කියල (ඊජිප්තුවෙ හදල තියන පිරමීඩ වගේ) ඒ අයට හොයාගන් බැරි උනාම කියන එක (කට්ටිය සමහර විට දන්නවත් ඇති), ඒ තමයි මේ සිදුවීම් එක්ක පිටසක්වල ජීවීන්ගෙ සම්බන්දයක් තියනවය, ඒ පිටසක්වල ජීවීන් ඔවුන්ගෙ පර්යේෂන සදහා පෘථිවියේ තොරාගනපු ප්‍රදේශ වලින් එකක් මේ ප්‍රදේශය වෙන්න ඇති කියලයි.

Read More

චිත්‍රපටි Download කරනවනම් මෙව්වත් බලන්න!!

චිත්‍රපටි Download කරනවනම් මෙව්වත් බලන්න!!



ඔයා ඉන්ටනෙට් එකෙන් එහෙමත් නැත්නම් අන්තර්ජාලයෙන් ෆිල්ම්ස් ඩවුන්ලෝඩ් කරන කෙනෙක්ද (torrent වලින්) ? එහෙනම් චිත්‍රපටිය ඩවුන්ලෝඩ් කරන්න කලින් ඒකෙ quality එක කොහොමද කියලා බලාගන්න ඕනි නම් ඒකෙ නේම් එක බලලා හරි description එකේ තියෙන මේ කෙටි යෙදුම් ටික බලලා හරි තේරුම් ගන්න පුලුවන්. ඔන්න එහෙනම් බලාගන්න.


• CAM / CAMrip
– මේවා හඳුන්වන්නේ කැමරා කොපි කියලා. මේ චිත්‍රපටි හඳන්නේ ෆිල්ම් හෝල් එකේ ප්‍රදර්ශණය වන චිත්‍රපටිය ඒ තිරයෙන් පේන ආකාරයට වීඩියෝ කරලා. ගොඩක් වෙලාවට නිතරම කැමරාව හෙලවෙනවා දකින්න පුලුවන්. රූප හා ශබ්ද වල තත්ත්වය අන්තිමයි. ‍ශාලාවෙ ශබ්දත් ඇහෙනවා. රූප පැහැදිලිත් නෑ.


• TELESYNC (TS)
– තිරය රූගත කිරීමෙන් හැදුවත් ශබ්දය ලබාගන්නෙ ආසන වල ඇති headphone socket එකෙන්. ඒ නිසා ශබ්දය ටිකක් හොඳ උනත් බාහිර ශබ්ද හා නිරෝධනය වී ඝෝෂා ඇති කරන්න පුලුවන්. සමහර ඒවා හිස් සිනමා ශාලාවකදී රූගත කිරීම නිසා තත්ත්වය ටිකක් හොඳයි. ඒත් බොහෝ විට මේ නමින් එන්නේ වැරදියට ලේබල් කල CAMrip බව මතක තියා ගන්න.

• TELECINE (TC)
– සිනමා පටය (reel එක) කොපි කල හැකි යන්ත්‍රයක් භාවිතයෙන් ලබාගත් එකක්. (මේ වගේ යන්ත්‍ර වලින් තමයි සිංහල චිත්‍රපටි රූපවාහිනියේ පෙන්වීමට සකස් කරන්නේ) මෙම යන්ත්‍ර සාමාන්‍යයෙන් දුර්ලභ නිසා මෙම වර්ගයත් ටිකක් දුර්ලභයි.

• SCREENER (SCR)
– චිත්‍රපටය එලිදැක්වීමට කලින් ප්‍රචාරණය සඳහා ලබාදෙන VHS පටි. මේකේ තිරය මත විවිධ අකුරු, දැන්වීම් දකින්න තියෙනවා කරදරයක් වෙන තරමට. මේවා බොහෝදුරට නිකුත් කරන්නේ චිත්‍රපට කුලියට දෙන ආයතන සඳහා. රූප/ශබ්ද තත්ත්වය නම් සෑහෙන්න හොඳයි. ඒත් රූප ප්‍රමාණය ඉතා කුඩායි (letterbox).

• DVD-SCREENER (DVDscr)
– කලින් කියපු ජාතියමයි, හැබැයි DVD වලට ගහලා.

• VHSRip
– ඔරිජිනල් VHS tape එකෙන් ලබාගත් වීඩියෝ එකක්. දැන් මේ ආකාරයට චිත්‍රපටි එනවා ගොඩක් අඩුයි. වැඩිපුරම තියෙන්නේ ක්‍රීඩා සහ අසභ්‍ය වීඩියෝ.

• TVRip
– මේවා රූපවාහිනියේ යන චිත්‍රපටියක් හෝ කතා මාලාවක් capture card එකක් මගින් ලබාගත් ඒවා. තත්ත්වය ඉතින් capture card එකේ quality මත රඳා පවතිනවා.

• Asian Silvers / PDVDrip
– ඔබ දැක තියෙනවා නේද එක dvd එකේ චිත්රටපට 4ක් 5ක් තියෙනවා. ඒවා ඔරිජිනල් dvd නෙමෙයිනේ. ඒවාට තමයි Silvers කියන්නේ. මේවා ආසියාවට ආවේනිකයි ! ඒවායින් හදපු වීඩියෝ තමයි මේ. තත්ත්වය සාපේක්ෂයි. එකින් එකට වෙනස් වෙන්න පුලුවන්. ඇතැම්විට PDVDrip යටතේ CAM ඒවත් එනවා.

• WORKPRINT (WP)
– චිත්‍රපටියේ සංස්කරණයේ දී ලබාගත් පිටපතක්. රූප ශබ්ද තත්ත්වය හොඳ වෙන්න පුලුවන් උනාට මේකෙ දර්ශන කොටස්,සංගීතය අඩු වෙන්න පුලුවන්. මොකද තවම චිත්‍රපටිය අසම්පූර්ණ නිසා. උදාහරණයක් විදියට Men in Black හි ජනතාව අතර ප්‍රචලිත වු මෙ‍ම වර්ගයේ පිටපතේ පිටසක්වල ජීවීන් වෙනුවට එහි සිට ඇත්තේ නලුවන්. ඒ ත්‍රිමාණ රූප ඊට එකතු කිරීමට කලින් ලබාගත් WP එකක්.

• DVDRip
– මේක තමයි හොඳම එක. ඔරිජිනල් dvd එකෙන් හදපු වීඩියෝ එක. වීඩියෝ එකේ වර්ගය අනුව පොඩි පොඩි වෙනස්කම් තියෙන්න පුලුවන් උනත් සමස්තයක් විදියට අනර්ඝයි.

• BRRip
- මේක තමයි ඉස්තරම්ම එක. කිසි හැල හොල්මනක් වෙනස් වීමක් වෙන්නෙ නෑ. ඔර්ජිනල් එක වගේම තියෙනවා.

Read More

කියුරියෝසිටි රෝවරය

කියුරියෝසිටි රෝවරය 


කියුරියෝසිටි රෝවරය අඟහරු ග්‍රහයා මත ගොඩ බැස්සවීමෙන් පසුව යානය විසින් ගන්නා ලද ජායාරෑපයන් නිකුත් කිරීමත් සමඟම ජායාරූපයක වු පැල්ලමක් පිළිබඳව වඩ වඩාත් කතා බහ ඇති වු අතර බොහෝමත්ම දෙනා විශ්වාස කලේ එය පිටසක්වල යානයක්දෝ කියායි.
මතකයි නේ.... 

මී‍ට පෙර අන්තර්ජාලය තුල අවධානයට පත්වු ජායාරෑප පෙළ

එහෙත් එය ක්ෂිතිජයේ ඇතිවු යම් දෙයක් පමණක් බව පසුව ප්‍රකාශ වුනා. 

එහෙත් පසුගිය දින කිහිපයේ නාසා ආයතනය නිකුත් කල ජායාරෑප වල නැවතත් අඟහරු අහසේ දර්ශණය වන පැල්ලම් කිහිපයක් නිසා නැවතත් පෙර කතාවම නැවත මතුවී තිබෙනවා... 

ඇත්තටම ඒ හදුනා නොගත් පියාඹන වස්තුන්ද?? 
නැතිනම් කැමරාවේ ආබාධයක් ද??

Alien Disclosure UK නැමැති කණ්ඩායමේ StaphenHannard ADGUK විසින් නාසා ආයතනය නිකුත් කළ එම ජායාරෑප විවිධ ෆිල්ටර භාවිතා කරමින් එම වස්තුන් පිළිබඳ සොයා බැලීමට උත්සහ කර ඇත. 


එම විඩියෝව ඔහු යුටියුබ් වෙබ් අඩවියට එකතු කොට ඇත.  
ඔහුගේ ප්‍රශ්ණය මේවා පිටසක්වල යානාද, දුවිලි වලාවන්ද? 
නැතිනම් මොනවාද යන්නයි... 

එහේත් විශේෂඥයින් පවසන්නේ ඒවා හුදෙක් ජායාරෑපයේ පික්සල් බිදී යාමෙන් හට ගත් පැල්ලම් කිහිපයක් බවයි.‍ 

රෝද 06 කින් යුතු කාරයක ප්‍රමාණයකින් යුතු ටොන් එකක් බර කියුරියෝසිටි රෝවරය මාස 08ක් තිස්සේ සැතපුම් මිලියන 354ක දුර ගෙවමින් අගෝස්තු 5 වැනිදා අඟහරු මතට ගොඩ බසින ලදි. 
ඒ අගහරු මතට පෘතුවියෙන් ආ හතරවැනි යානය ලෙසයි. 

එය සතුව කැමරා, විදිනයක් (ඩ්‍රිල්), වගේම පස් හා ගල් ආදිය කුඩු කර ගැනීමට අවශ්‍ය යාන්ත්‍රික දේවල් හා අධි ප්‍රභල ලේසර් කිරණ විදිනයක් හා අඩි 07ක් දිග (2.1m) දිග රොබෝ අතකින්ද සමන්විතයි. 

පසුගියදා ප්‍රථම වරට කියුරියෝසිටි රෝවරය අගෝස්තු 22 වැනිදා
අඩි 15 ඉදිරියටත් අංශක 120 කින් කැරකී අඩි 08ක් පිටුපසට ගමන් කිරීම අරඹා ප්‍රථම වරට යානයේ ටයර් සලකුණු අඟහරු ග්‍රහයා මත ඇති කරනු ලැබුවා.. 


විශ්වයේ අවසාන සිංහල වචනය “ආයුබෝවන්“ වේවිද?? ඒ ගැන බලන්න මෙතනින් පුළුවන්..... 

නාසා ආයතනය එම ජායාරූප නිකුත් කල අතර ඔවුන් පවසන්නේ “එය විශිෂ්ඨ මොහොතක, විශිෂ්ඨම මොහොතක්” බවයි. 

යානය ගොඩ බැස්ස තැන සිට එය මේවන විට අඩි 20ක් ගමන් කර තිබෙනවා.. 
රෝවරය පදවන Matt Heverly පවසන්නේ ප්‍රථම ගමනට විනාඩි 16 ක් ගත වු බවයි. එතරම් වේලාවක් ගත වුයේ ජයාරූපයන්ද ගැනීම‍ට කාලය වැයකල නිසා බවයි. 

අවුරුදු 65 කට පෙර පිටසක්වල යානයක් අනතුරට පත් වු “ රෝස්වෙල් හි සිද්ධිය“ ඇත්තක්ලු..! ඒ ගැන දන්නවද? ඒ ගැන බලන්න මෙතනින් පුළුවන්...... 

එලෙසම රෝවරය මත වු රහස් කිහිපයක්ම මේ වන විට හෙලිකර ඇත.. ඒ ගැන ඔබ දැන සිටියාද මන්දා....... 

රෝවරයේ ටයරයේ “මෝස් කෝඩ්“ අධාරයෙන් එය එකලස් කල Jet Propulsion Lab හි නම JPL ලෙස දක්වා ඇත. 
අගෝස්තු 22 රෝවරයේ ප්‍රථම ගමන සමග එය අගහරු පොළවේ ලියවී ඇත.

ටයරේ කට්ටයේ හැඩය — dot-dash-dash-dash, dot-dash-dash-dot, dot-dash-dot-dot ('.--- .--. .-..') 
එය මෝස්කෝඩ් ලෙස පරිවර්තනයේදී කියවනු ලබන්නේ J P L ලෙසයි. ඊට අමතරව එහි සිග්සැග් (zigzag) හැඩය ඇතුලත්ව ඇත.

එහි ඇති දුරකතන ඇප්ලිකේෂනයක කෝඩ් සටහනක් ඇතුලත් කර තියෙනවා.. 
ඒ ගැන කිසිවක් සඳහන් කරලා නම් නෑ...
සමහරක් විට අනාගතයේදී එය භාවිතා කිරීමේ හැකියාවක් අභ්‍යාවකාශ තොරතුරු රැස්කරන්නන්ට ලබා දේවි...

යානය මතුපිට ලියු ඇතුලත භාෂා 16 සමන්විත පණිවිඩය ඔබ දැක්කාද?? 

'To Mars, To Explore,' 

නාසා, JPL හා කෙනඩි අභ්‍යාවකාශ මධ්‍යස්ථානයන් හි වෙබ් අඩවි හරහා එකතු වුනු මිලියන 1.24 රසික පිරිසකගේ නම් ඇතුලත් කොට ඇති සිලිකන් චීපයක්ද රෝවරයේ රඳවා ඇත. 

එය නාසා සමාගම හදුන්වා දුන්නේ

'පෘතුවි වැසියන්ගේ බලාපොරොත්තුව හා උනන්දුව අගහරු වෙත' ලෙසයි. 

කියුරියෝසිටි යානය තුල මුදල් තැම්පත් කර ඇතැයි කිවහොත් ඔබ පුදුම වේවි... 
ඔව්! එහි 1909 දි නිකුත් කරන ලද ඒබ්‍රහම් ලින්කන් ජනපතිගේ රුව ඇති කාසියක් ඇතුලත් කොට ඇත. 

රෝවරය අගහරු ග්‍රහයා මතට ගොඩ බස්සන අවසාන විනාඩි 7 තමන්ට මුහුණ දීමට සිදුවන අභියෝගය ගැන විස්තර සහිත විඩියෝවක් ඉදිරිපත් කර තිබෙනවා...බලන්න පහලින්.. 
එයට යොදා ගත් තාක්ෂණය හා ඔවුන්ගේ මහන්සිය,කැපවීම ඉතාමත් සිත් ගන්නා සුළුයි.

දැන් කියුරියෝසිටි රෝවරය තිබෙන ස්ථානය 92 වයසැති විද්‍යා ප්‍රබන්ධ කතුවරයකු වු “The martian Chronicles” නැමැති පොත ලියු “Ray Bradbury” වෙනුවෙන් නම් කර තිබෙනවා..

2016 දිත් අඟහරු ගවේශෂණයට තවත් රෝවරය යැවීමට සුදානම් බව ඇමරිකානු නාසා ආයතනය කියනවා.. 
එය නම් කර ඇත්තේ “Insight” ලෙසයි. එමගින් අඟහරුගේ පොලොව අඩි 16 ක් හාරා බැලීමටද නියමිතයි... 



කියුරියෝසිටි යානයේ අලුත්ම තොරතුරු ඔවුන්ගේ ටිවිටර් පිටුවෙන් බලන්න මෙතනින් යන්න.. 

මේ යන විදිහට නම් ළඟදීම අඟහරු පැත්තෙත් යන්න බැරි වෙන එකක් නෑ..! 
යමු නේද වීසා අරගෙනම ගිහිල්ලා එන්න.. 

තොරතුරු,පින්තූර ටික නම් වෙනදා වගේම අන්තර්ජාලය තුලින් තමා!!
අදහසක් ලියලා යන්න අමතක කරන්න එපා හොදද!!

Read More